【記者吳峙嵩高雄報導】高雄市立圖書館鼓山分館成人讀書會，選讀作家廖玉蕙所著的《彼年春天》，導讀者林月娥老師用台語講故事，有誠好聽而且合時代接近的故事，內底寫的，攏是台灣人ㄟ生活狀況，人情義理攏佇其中，題材多元，攏以趣味優先。
林月娥分享，《彼年春天》所寫的所在，攏是咱上熟似的，佇咱身軀邊的家庭內，市場中、火車頂、高鐵站、機場、病院，甚至政府機關，自個人的答喙鼓道官場現形。
其中，82歲的老母，佇阮兄弟姊妹的厝內，輪流帶一段時間以後，無緣無故決定欲搬轉去祖厝家己帶。毋顧阮逐家的反對，伊吩咐做水電的先去修理理，嘛麻煩朋友去請人屏掃，家己腳手扭掠款行李，才無幾工，就堂堂入厝。阮逐家有喙講甲無瀾，攏勸無路來，干焦會當那吐大氣、那去共伊鬥相共。
阮老母記數將近40年，攏總有40幾本的數簿仔。內底記路逐工的菜錢，爸爸的薪水、阮予伊的生活費。大大細細，有中文、日文合一寡仔趣味的圖。做母親，真正無簡單。厚操煩是全天下老母的症頭，尤其是序細嫁娶的問題，無列操煩的真少。我雄雄想著古早，我差不多通好嫁的時陣，阮老母逐禮拜攏強迫我，佇拜六禮拜轉趣相親的往事。
參加這場以台語講故事的讀書會，鼓山分館學員良鏵就說，影響深刻的一般生活狀況，以趣味優先，是極細膩的暢銷書，值得閱讀與品味。另一位學員玲月表示，不簡單，這是她接觸過台語文最難的，但也是最有內容的《彼年春天》。
